South Africa’s church of drinking : kohhran Pathian Biak na hmun ngeiah zu chu tui luanin a luang

0
583

“Lalpa hming chu fakin awm sela, zu in pawh phal ni rawhse “tih hi he kohhran Johanesbug khaw bul lawk a awm kohhran Motto ani.

Gabola International chuan he kohhran hming hi ‘Tswana’ Drinking tih thumal chu la in a hming a phuah a, he kohhran chhungah hian zu in chu an khap loh mai piah lamah member te chu in turin an fuih zawk ani.

Africa Continent hi kohhran kal sual tamna leh zirtirna diklo dawi leh phuah chawp thil hmanga member lak tum mi maksak tak tak tamna ram ani a, Phone hmanga Pathian biak tih te, Motor oil in tura zirtirna chu hmun then khatah a awm ani. Tuna kan rawn sawi tur erawh hi chu, kohhran chhungah ‘ZU’ No.1 a dah hmiah te chanchin ani dawn ani.

Gabola ah hian Baptisma an chan dawnin Beer an in hmasa a, thusawitu in Pulpit a lawn dawn pawhin zu a in hmasa thin a, tiang chuan zu chu an dah chungnung hle a, Zu leh Wine chu Sahriak ang ah hmang in tiang chuan kohhran hruaituten memberte chu sahriak thih in an thih thin hlawm a, an Bishop Makiti chuan mi lak luh theih nan tak zu chu hmangin, zu in mi kohhran a leng tawh lo te leh va rawlai ho hmun khat a dah leh zirtir chu thupuiah an neih hial ani.

Makiti in Daily Sun a hrilh dan chuan ” He hmun hi zu ngawlveite awmna hmun leh an lawm luhna hmun an tih chu ani.” tiin ” tu pawh Lalpa hminga lo kal chuan a zahzumna a bo theih nan zu a in anga tichuan pathian apawl ang” tiin asawi thin ani.

He kohhran hian zu in chu an hawng mai ni lovin, in turin an infuih thin a, a dinna a rei loh teh reng nen member 500 lai an lawi tawh a, mi 2000 chuang an Baptist tawh a Africa ram pumpuiah a darh zau theih nan a hmalak zel hi an thil tum ani nghe nghe.

An tawngtai hmain Beer an in hmasa a, thusawitu chuan Pulpit a lawn dawnin zu a in te tea ti chuan thu a sawi thin. Makiti chuan “Beer i in chuan Beer ah i in baptist tihna ani a, Zu leh Wine pawh ani vek, Pathian nen chuan in hauhna tur a awm lova, in zahna leh hmangaihna hi kan chawisang dawn ani.” tiin a sawi bawk.

He kohhran hi mipa hlang an ni a, Hmeichhia chu awm ve an la phal lova, hmeichhia nena awm chu buaina a tam. Nakin ah chuan an tel ve kan la phal ang” tunah rih chuan tha takin kohhran hi a kal ani.” a tih bakah naupang pawh zu lei an khap a, an nu leh pa ten a tir lui anih pawn kan let tir thin” tiin a sawi.

He kohhran hi Johanesbug khaw thlang lam a awm niin, Orange huan nuam tak chhungah Zing 11 atanga tlai 3:00 thleng an inkhawm thin.

He Biakin(Tevern) neitu Freddy-a chuan, “Makiti hian tianga kal phung thar nen kohhran a hruai hnu hian thil awm dana tha zawngin a inthlak vek ani” tiin a sawi.

Ref: Odidy

LEAVE A REPLY

Please enter your comment!
Please enter your name here