Sunlawih ding NU a neih ve lo ruangah a Pa cu Nunau vekin

0
531

Hi thu ka siar tikah ka thinlung i tham ih nasa takin thu i ruat tir. Lai khawte kan um lai ah, Nui’ Ni (Mother’s Day) le Pai’ Ni (Father’s Day) tivek khal hi kan rak ngai thupi in kan rak thei tuk lem lo. Asinan hmun dang ram dang kan thlen hnu cun Nui’ Ni le Pai’ Ni hi sunglawi zetin hman a si ih lungawi Ni pakhat a si ṭheu. Nu ih thihsan zomi, Pa ih thihsan zomi pawl hrangah zunngai Ni, mitthli tlak Ni, riahsiat Ni ah a cang sawn riangri.

NulePa cu sunlawih ih upat ding, asinan kan kiang le kap ah Nauhak laite ih Nu lole Pa in a thihsanmi an um maw? Fasawn, a Pa zo ti theihlo (Pa neilo) an um pang maw? NulePa khawplo an um pang maw, timi hi kan ruah zoh thiam a thupi zet tiin ka ruat. Kiangkap zoh hna thiam in Nui’ Ni, Pai’ Ni khal hmang tlang cio sehla midang hrangih thil ṭha a si.

Tuiṭum ih kan tarlang dingmi khal hi, Zuk ih kan hmuh vekin, Nauhak pakhat cu an Tlawng ih tuahmi Nui’ Ni sunglawi an tuahnak ah Tlawngta nauhak dang cun an Nu lepawl upatnak an pe ih an sunlawih rero lai ah Nu tiih kawh ding a neih ve lo ruangah ninghang lungsia in a um ih a Pa cun a fapate ih lungawinak ah tiin Nunau hnipuan hrukin a Nui’ dinhmun vekah a ding ta riai a si. Ziangtluk zangfakza so a si.

Hi nauhak hi naute asi lai ah a Nu in a thihsan si awm tak ih ruah a si. Nui’ Ni sunglawi ah, an Tlawngah tlawngta dang Nu pawl cu ra in an falepawl in upatnak an pe. Asinan hi nauhak hin Nu a neih ve lo ruangah lungngai zetin a um. Pacang ṭha zet a Pa cun a fate cu lainat zetin Pacang sing e ti khal ruat loin Nunau thuamhnaw a hruk in a fapa ih lungawinak a tuahsak.

Tuihlan khalah Tlawng pakhat ih an rak tuahmi Nui’ Ni ah tlawngta nauhak pakhat cu Nu a neih ve lo ruangah, Pangpar kual cu a khung (cangan nak khung) parah ret in, a hmai ah a Nu ding vekin a ruat ih khukbil in a kun dahmi Zuk khal Online parah nasa takin a rak laar dah.

Zir dingmi: Thihnak cu zohman ih hrial theihmi a si lo ruangah ziangti awk ṭha. Asinan nungcing in nupi/pasal ṭhenawk, mak awk hi cu a pawi tukmi a si. Fate pawl zangfakza in an rung um ṭheh a si.

 

LEAVE A REPLY

Please enter your comment!
Please enter your name here