Sweedish Siang Hngakchia Nu Pakhat Cu Vanlawng Thutnak Ah A Thu Duh Lo. “Hell Ram Tluk A Si Mi Ram Ah Minung Thawl Hi Ngawl U” Tiah A Ti

0
666

Siang Hngakchia pakat Elin Errson cu Gothenburg Airport ah an ram chozah nih Afghan pa an ram in an thawl cu a duh lo caah vanlawng chung ah a thu duh lo.

Elin Errson kawnglam hi Facebook i ai tial ning ah amah hi Gothenburg University siang hngakchia a si. Vanlawng Ticket hi Gothenburg in Turkey tiang a lak ko nain , Afghan ralzam umnak tha a kawl mi pa pakhat cu Sweden in tthawl an timh caah a thut duhlo nak a si.” tiah Swedish press nih report a tuah.

Elin Errson hi vanlawng chung a luh bak in heh tiah mirang holh in a duh lo nak a langhter. Hi video hi mi a ting leng nih an hmuh.

Vanlawng chung thu mi pawl nih hin tha te in an rak chawnh tikah amah zawng nih dai te in um kha ai tim ve. “Nan vanlawng hi zuan ter lo kha nan duh lo baktuk in kei zawng nih hi mipa hi thi ding in le hell ram tluk a si mi ram i a kal ding hi ka siang ve lo i, cu caah nan ttum ter hlan lo ka thu ve lai lo” tiah a ti hna.

“Ka ruah mi thil hi mi nun nak chanh kha a si caah hi mipa dir chung poh chu Pilot pawl zawng nih vanlawng zuan ter hlah u ka duh mi cu ram dang i tthawlnak phung kha phih hi a si i, cu hnu lawngah nawl ka zulh lai. Tu hin zei sualnak hmanh ka tuah lo i, hi thil ka tuah mi hi phunglam zul in ka tuah ko” tiah rum ro in a ti hna.

Vanlawng a cuang mi mirang pa cu a thin a hung i, a phone kha chuh a vun timh a khin, Errson nih cun, Na caan maw biapi deuh mi nunnak? an thumh lo si cun zei ti hmanh in Afghanistan ah anung bal lai lo. Kan ram phunglam hi thlen ka duh. Hi bantuk HELL kal i fial hi phung zawng a silo.” tiah a ti chih.

A dawnghnak cun Errson dohnak caah Police an auh hna i, Passenger pawl an i lawmtuk i, Errson le Afghan ralzam pawl hna pin ah Security pathum cu an ttum.

Hi thil hi chim ceih a tam tik ah Sweden cozah hi bantuk A sylum pawl a uk ning tha lo dohtu zawng an tam ngai. Chozah lei nih hi hna pawl Asylum seeker pawl kha chuah dih lai hna kawng kha, September thla Election zawng khin biapi bik ah chiah an timh i Sweden Democrats pawl zawng nih fak ngai in me an thlak.

Tukum January thla i, Taliban pawl nih Kabul ah minung 22 an thah hna le 100 leng Bomb in a thah hna hnu ah khan Sweden cozah nih Afghanistan i minung kuat kha a rak ngawl tak cang i, nain Sweden Migration Board tu nih cun Asylum seeker caah cun tu tiang ah hi ram hi a tha ko e tiah an ti.

Migration Board chim ning cun “Hi ramdang luh kawng hi thawngkhat ah pahra hi cu Police kut ah chiah a si lai a ruang cu 2015 kum i minung 163,000 leng nih Sweden luh an timh hnu khan cun hi lam hi cozah nih a khar fawn cang.” tiah ati. Sweden cozah nih ramdang mi luh khawh lo nak caah phung tha deuh in a siam cang tik ah Sweden i ramdang mi luh hal cu a har ko cang lai.

https://youtu.be/wuhXXJ9_EDU

Local Media chim ning ah “kha mipa thawl a si hnu khan cun ai lanh ngam ti lo i hmuh awk zawng a um ti lo” tiah a ti i, Deutsche Welle tu nih cun a tu hi Police zohkhenhnak tang ah a um i, a hnu ah thawl a si thiam thiam lai a ti.

Source: Mediaherald.com

LEAVE A REPLY

Please enter your comment!
Please enter your name here