Thai Lawng Captain Minung Ruk Thubuai Tuahsak

0
244

Thailand ram ih lawng, lung tlang a sut ngah ruangih sia, lawng pakhat mawngtu cu minung fir (human trafficking) thubuai an tuahsak thu Thai palik pawlin an rel.

Kan dung Tlawngkainihnih ni, June 11 zinglam ah lung khawk rawk pi pi umnak tipi kapah lawng pakhat, a siat ruangih rak tang a um. Thai palik pawlin an va hlathlai ih, cui lawngah cun Rohingya Muslim mi 65 lai an va hmu. Thu an zingzoi vivo ih, a net nakah, hiang Rohingya Muslim pawl hi Malaysia lamih va phur dingin Myanmar mi pakhat in Thai lawng mawngtu cu an mai Thai Baht ting khatin a rak sang, ti an hun thei.

Hiang an mi kaih mi pawl hi refugee an si ngai ngai maw, dan lo ih hna ṭuan dingih feh ha an si, ṭha tei thlei dang loh li thei dingin Thai President cun palik pawl cu a cah ta hai, tiah Thai palik pawl cun an rel. Nunau le nauhak telin an mi kaih mi, minung 65 pawl hi tu ah cun palik camp-ah an ret hrih.

Nikum November thla khalah khan Rakhine ihsi Malaysia lamih feh tum Muslim mi 100 hrawng cu Myanmar cozah thuneitu pawlin an rak kai ih, Sittwe lamah an kuat kir sal. Source : RFA

 

LEAVE A REPLY

Please enter your comment!
Please enter your name here