Thailand Ah Myanmar Mipum 100 Lenglo An Kai

0
336

Thailand ram ah Myanmar mipum 100 lenglo tel in ram dang mi mipum 375 an kaiih, hi kaih tuartu pawl cu permi/t nei lo thupte feh pawl an si thu Bangkok Post in January 11 ah a tarlang.

Thailand ram sung hmun 239 ah zohfelnak an tuahmi ihsin kaihmi an si. Thailand ram ah Visa nithla cem hnu ih tlanglengtu mipum 21 an kai ih India, Lao le Myanmar rammi mipum 4 ciar, Germany, Shweden le Vetnam rammi mipum 2 ciar, American, Russia le Italy rammi mipum 1 ciar an siih mawhphurhnak khal an tuarter ding.

Rampi theihpinak tel loih thupte’i luttu hi mipum 249 an kai ih Myanmar rammi mipum 113, Lao rammi mipum 71, Cambodia rammi mipum 64, Pakistan rammi mipum 1 an si.

A dang sualnak (case) in an kaih bet mi pawl cu Thailand rammi mipum 115, ram dangmi mipum105 an si. Cumi pawl sungin Cambodia rammi mipum 42, Myanmar rammi mipum 33, China rammi mipum 16, Lao rammi mipum 7, Idia le Japan rammi mipum 2 veve, Italy, American le England rammi mipum 1 ciar an tel.

Thailand ram ih ramdang mi kaihnak hmun 249 an sung ihsin țong zirnak tlawng hmun 3, dawr hmun 60, zaan suahvah theinak hmun 10, hotel hmun 74, hmun dangdang 92 an si tiah thuthangca in a tarlang.

Tuini tiang Thailand ram pumpi ahhin hmun 6252 ihsin mipum 6468 kaihsuah an si. Ref: DVB

 

LEAVE A REPLY

Please enter your comment!
Please enter your name here