Thazual Awards 2018 Ah Lawm Avangin Kimkima A Lungchhia

1
1129

Dec.20 zana Zonet Cable leh MDM tang kawp tena zai mite tana chawimawina an buatsaih ah mipa lengzem zaithiam rawn lar thar mek “Ka Zei An Ti Thin” tih hla hmanga zoram mipui tena kan hmelhriat tak Kimkima Ralte chuan chawimawina dawngin Award a hum haw.

Kimkima hian Thazual Awards 2018 semchhuah tak ah Best Male Artist Lengzem Award a dawng a, dawhsana a Award dawn a lakna a lawmthu a sawi ah chuan lawm avangin a lungchhia.

Stage ah chuan a hringtunu a ko chhuak a, kum naupang te a Band an din laia a thian ten an ban avanga a lungngaihna thu a nu hnena a thlen thu te sawichhuak in a nu in a a lo fuih leh thlamuan let dan te chu a sawilang.

“Kum 16 ka nih in Band kan nei a, ka band ten min thlauh thla a, in ah ka hawng a ka nu chuan kut nghatin min tawngtai a, ka nu chuan ‘Bawiha khitah khian ila ding ang min ti a, ka lo ding ta a ni” tiin a lo sawi. Kimkima Emotional Speech hian Thazual Awards chhimtu zaithiam dangte leh midang te chu an hnuk a lo ti ulh sak nasa hlawm hle bawk.

Kimkima hi zoram rimawi khawvel ah thawm a rawn nei lian chho zel a, kum liam ta lama Thazual Awards semchhuah pawh khan Best New Artist Award a lo dawng tawh bawk. Tunhnai khan a hla thar “I zun ngaih lunglen vangin” tih chu a Lyric Video in a tichhuak a, a tihchhuah atanga kar khat a liamhnu ah nuai 8 chuang lai YouTube ah thlir tu a nei hman. A hla thar hi Thazual Awards ah hian alo Perform nghe nghe bawk.

1 COMMENT

LEAVE A REPLY

Please enter your comment!
Please enter your name here