THI ANG A LEM A CHAN VANG IN A NUPUI LEH A FATE CHU TUI AH ZUANGTHLA IN AN BORAL

0
1743

Dawt sawi hi chu chin tam loh a tha. He pa pawh hian a thil tih ah hian a inchhir chiang khawp mai. Dawt a sawi avang in a chhungkua, a nupui leh a fate chu a chan a, inchhir erawh in awmzia a awm tawh der si lo.

China rama chhungkua a pa ber chuan lem chang in khawvel hmuh ah thi ang in a awm a, amah hi Mr He a ni. Leiba vang leh an chhungkaw tan a thil tha ngaihtuah ve chung deuh in Insurance a lak theih nan Accident a boral ang in lem a chang a, tuipui ah chuan Car in a tlan liam a ni.

A thil tum chu a nupui Ms Dai chu a lo hrilh hre reng reng si lo. A pasal in a boral san tak tak nia a ngaih avang in Ms Dai chuan thih a thlang ve ta a, a fapa kum 4 leh a fanu kum 3 a upa te chu hruaiin Xinhua County, south China’s Hunan Province a tuikhuah (pond) ah chuan zuanglut in an boral ve leh.

A pasal ruang chu hmuh a ni silo a. A thi tak tak ah a ngai. Pa ber a awm tak silo ah chuan damchhan tur a awm lo tiin amah bak ah a fate nen lam chuan thi turin tui ah chuan a zuanluh pui ta a ni.

An intihhlum hma hian Ms Dai hian suicide note chu WeChat lam ah a hnuchhiah. WeChat hi China a Messaging App lar tak a ni. Suicide note a hnuchhiah ah chuan a pasal chu amah mai a kal tir an phal lo tih a tarlang a, an vaia awm ho chu an duh avang in a pasal kiang ah awm ve tur in an nufa 3 chuan khawvel chhuahsan chu an duh ni tih a tarlang.

An nufa ruang hi Police te chuan an hmu. A hnu, a chhungkua te thih tanga nikhat hnu ah chuan Mr He chu a hmel a rawn inlan leh lawi si. Police lam hnen chu pan in, a nupui leh a fate an boral a ni tih hrilh hriat a nih hnu ah chuan a lungchhe hle.

A tap a, a thil tih vang chuan inchhir in a lungngai hle. “In pa hian thilsual ka ti a ni. Hetiang thil hi ti lo tawp tur ka ni sin. In nu hetiang reng reng hian keimah vang in a khawlo zo ang tih reng ka lo dawnpha lo a ni” tiin a tap zawih zawih. Xinhua Police te chuan Mr He lak ah hian insurance fraud leh intentional damage to property thubuai siam sak a ni a, chu lovah Case hi chhui mek zel a nih thu tarlan a ni.

Dailymail

LEAVE A REPLY

Please enter your comment!
Please enter your name here