THLAWHNA A MIPA CHE MAWI LO TAK CHU THIAM LOH CHAN TIR A NI

0
1184

A ti lui ve hrim hrim nge ni ang a, tihpalh thil thu vanga thleng zawk ni ta ang tih hi a ni. Tihpalh chu a nih ve theihna lai awm mahse tum ruk reng vanga thleng a nih hmel zawk mah.

India mi ram danga hnathawk IT Manager, Prabhu Ramamoorthy kum 35 a upa chu thlawhna chuanna ah mawi lo taka Passenger hmeichhe pakhat hma a a chet chhuah avangin thiam loh chan tir a ni.

Las Vegas tanga Detroit lam panna Spirit Airlines Flight a an chuanna ah chuan Ramamoorthy hian hmeichhe pakhat kum 22 a upa Passenger muhil chu mawi lo takin a lo khawih a, a kut in a Pants chhung lam chu a lo zen sak. Ramamoorthy hi nupui nei tawh a ni a, thlawhna ah hian a kiangah a nupui a awm ve reng bawk.

He nu hi a rawn harh a a thil tih a hriatchhuah chuan a tap chhuak a, Flight Attendants te chuan an pui. IT Manager erawh chuan a thil tih chu a tih luih a nih loh thu a sawi a, tihpalh vang liau liau a ni a ti. A muhil ve tho tih a sawi a, a kut chu khawi ah nge a dah tih reng a hriat loh thu a sawi thung.

Thiam thu sawi mahse man a ni ta tho a, Federal Jury in thiam loh a chantir. A chungthu ngaihtuah a ni a, a thil tih mawi lo tak vang hian hremna a hmuh a ngai ngei dawn. Prison atanga chhuah nih hnu ah India lam ah kalpui tura tih a ni.

Ref : Dailymail

LEAVE A REPLY

Please enter your comment!
Please enter your name here