US in Syria an Phawm Thawk

0
558

Tulai Boruak 18:

US in Syria an Phawm Thawk

#Kan dungih kan ngan mi US in Syria a do ding thu ah khan President Trump in khualtlawn thulhin Khawnbawl Thurelkhawmnak, Rampi Kilhimnak Khawnsil thurelkhawmnak a neih pawl kan tarlang zo. Cutin Zirtawp zan ah Syria hmun hrekkhat hmuitin mipawl an phawm thlang ding thu a phuang ta riai!

 

#US ih ramkhel beih awknak nasa tak lakah Senate Majority Leader Mit McConnel, House Speaker Paul Ryan, Senate Majority Whip Hatt, House GOP Whip Scalise hleiah Senate Democratic Leader Schummer, House Democratic leader Nancy pelosi pawl khalin tha an ti thu an phuang. Asinan Senate Minority leader Juda liberal mihlothlau Mr. Schummer hi cun sawiselnak a telh.

 

#Senator Tim Kaine, Clinton in Vice President Candidate ih a hril cun, “Congress ih reltluk lo mi pohpoh cu a dik lo hleiah ‘dan lo” a si a ti ve. Asinan US President cu ralkap lubuk Commander -in-chief a si ruangah rampi pakhat do dingin ralkap a thlah thei. Asinan congress in ni 30 ah an kokirsal thei ve. Asinan tu cu rampi doawknak si loin HREMNAK fang a si.

 

#UK le France in an bawm. UK PM May cun hi donak hi a dikin a fel a ti. France President khalin target an fuh thu le an peh vivo ding thu a rel. Israel khalin a dikin a fel thu an phuang ve ih PM Natanyahu cun Trump a dinpi thu a phuang.

 

#Russia President Putin cu America le a rualpipawl cu a dem nasa ,”Ngaithiam theih thil a si lo’ a ti. UN Security Council meeting an ko ih tu hi an rel rero lai. Asinan Russia thu putluh cun China le Bolivia lawngin an tawmpi ih hnawl a si. UNSC ah member 15 an um. America rualpipawl NATO ram 27 khal an tokhawm. Cun Russia president Putin khalin Turkey President Erodgon le mihrekkhat a tawng ve.

 

#Iran hotubik khalin Trump, May le Micron cu ‘Misual’ criminals a ti. US Secretary General Antinio Guterres cun, “Supaw hai dingin a ngen ve thung . China cun thazang hman tha a ti lo thu a phuang.

 

#Syria ih Rusia Air Defense cun Missile 103 lakah 77 lenglo vansang ah an kahtlak thu an phuang. US le a rualpipawl cun a hmuitin an kap ngahih an hlawhtling zet ti an puang. Trump khalin UK le France parah a lungawi thu a puangih ” Misssion a Hlawhtling” a ti.

 

#PM May cun “Syria a cozah hlawn thlak an tum lo thu le luhhnawh an tum lo” thu a rel leuhleuh. President Micron khalin hi hi a rel ve ih France in vawi 12 kan kap a ti.

 

#US Defense Secretary Mattis le Chairman of Joint Staffs Joseph cun Chemical Gas thawn sualnak neilo mi pangngai, nunau le nauhak thah kan ngaithiam lo thu nikumah kan kuat zo. Tu khal cui thu cun kan sim a si. Assad hin hihi a lun loah cun nasa sinin a tuar ding an ti ve.

Jed Zuala Cawnghlut (U Zuala) ih Wall Post mi laksawngmi a si.

 

LEAVE A REPLY

Please enter your comment!
Please enter your name here