Zing I Thawh Vel Leh Hei Hi Lo Ti Țhin Rawh Aw

0
2411

A țhat zia chu țha tak a ni ringawt. Hmelțhatna ni lovin taksa mawina zawk. I hmelthat viau loh pawn i pumrua a mawi phawt chuan (mawi/nalh) tiha chhiar i ni. Zing i thawh velah thildang engmah ei hmasa lovin Tuilum emaw tuisik thianghlim glass no 2 talin in rawh. Tichuan, exercise la la in sawizawi rawh. I tuiin atang darkar 1 hnuah i thil ei duh chu i ei dawn a nia. Kan taksain a mamawh ber chu tui hi a ni. Tuihal chang chauha tui i in chuan hrisel tak tak a har hle. Hun bithliaha in țhin tur a ni.

Zing i thawh velah glass no 2 in țhin la, chhun ah glass no 2 tlai/zan ah glass no 2 nikhatah glass no 6 tal in țhin tur. Thlakhat chhung han test chhin teh in lovin i awm thei tawh lo anga i hriselna pawh tun ai khan a țha zawk ang. I vunti a rawn var anga i rawn êng pawsiau tawh mai dawn a ni.

Zanah tlai lutuk thleng meng lo la, zingah hma taka thawh tum țhin rawh. Zan tlai taka muta zing tlai taka thawh hi hriselna khawihpawi theitu pakhat a ni. Zan hma takah mu la, zing hma takah tho țhin rawh. I taksa/vun tan a țha anga hriselna atan a țha em em bawk. Zan dar 12 hma ngeia mut theih hram tum tur a ni.

Exercise la reng bawk rawh. Zingtin han tlankual vela minute 10 chhung lek pawh ti țhin rawh. I thlantui a rawn far tawh chuan duh tawk la, minute 10 chhung vel chawl hahdam rawh. Chumi hnuah i in bual chauh dawn a nia. Hah lutuk laia in bual hi a hlawhawm em ema mi tamtak chuan an thih pui tawh. Hah lutuk laiin cool-drink ang chite, Ice-cream ang chite ei loh tur. Nikhatah coffee no 2 ai a tam in a țha lo bawk. No 2 ai a tam kan in reng chuan Lung natna neih a awl hle a ni.

In ti hlim rawh. Hun awl neih changa thian pawh pawl lova mahni tea awm ai thiante nena in kawm khawma hlim taka hun i hman khan i hriat loh chhungin i lo hrisel phah reng a ni. Eng movies nge i en tam ber țhin? Fiamthu lam en tam hi taksa tan a țha. Hlauhawm lam movie en țhin i nih chuan eg. Kum 80 dam tur kha kum 72 chauh i dam thei. Kum 8 laiin i nunna a ti tawi thei a ni.

Heng ka sawi tak anga i tih chuan thlakhat hma ngeiin a result i hre thei nghal ang. I hriatsa tawh pawh nise taima takin han ti hram hram teh. Tun ai khan i hrisel anga i taksa i vun pawh a nalh phah viau ang. Sum sen a ngai bawk si lo taimak takin lo ti ve ang che.

Ref: Reader Digest

LEAVE A REPLY

Please enter your comment!
Please enter your name here