ZIRTIRTU CHU A NAUPANG TE LAKAH A NUNRAWNG HLE – (VIDEO)

0
1065

Zirtirtu chu a inti ve meuh si a maw. Zirtirtu a nih ang takin a naupang te vilh valh chu a kutah a awm a, chuvangin nu leh pa te pawhin ringin an fa chu a hnena an hnuchhiat a, mahsela he zirtirtu anga inchhal hian a naupang te chungah hian a nunrawng tak zet zet zawng a ni.

China rama Yanji city a Kindergarten pakhat a an zirtirtu nu chu a naupang te chungah rawng takin a che thin tih hriatchhuah a ni a, he Kindergarten hi Zhu Zhu Le Yuan a ni. An ni hian Advertise ah chuan darkar 24 chhung chu naupang duat tak leh hlim taka enkawl an nih tur thu an sawi a, a tak ah erawh chutiang a fate tana itawm tak a ni der lo.

Zhu Zhu Le Yuan a thawk zirtirtu nu pakhat a hming Zhang Aidan chuan a naupang chu thil ho te vangin a nghaisa a, a chhan pawh he naupang hi a mut duh loh vang leh chhin khat te pawh a chhin duh loh vang mai chauh a ni. Naupang hi kum 2 leh kum 5 inkar te an ni. Zhang Aidan hian naupang te hi Class a tang nawr chhuak in, naupang kum 10 pawh la tling lo tawrh har khawpin a nam chawrh chawrh a, pawt in a lo nam sawk sawk in a hnuk deuh dawr dawr mai.

Naupang pakhat phei chu a thian pahnih te bulah a nem thu hnawk. Hetia a naupang chunga rawng taka a che lai hi Video ah a lang a, a bula zirtirtu dang chuan Punishment natak a pe lai a, engmah bengkhawn lo a, an inrawlh duh miah lo chu mak an ti hlawm hle nawk. A thil tih vang hian Zhang Aidan hi a hna atang ban nghal a ni.

Zhu Zhu Le Yuan kindergarten te pawhin he thil vang hian ngaihdam an dil bawk. Naupang nu leh pa te chuan an fate hian psychological lamah hliam an nei ang tih chu an hlau hle. Heng naupang te tan hian Medical Exam leh psychological therapy neih a ni dawn a, Police lamte chuan Investigation an kalpui mek zel tho.

https://youtu.be/e12mmqk3fmg

LEAVE A REPLY

Please enter your comment!
Please enter your name here