Zonuam Mino Golden Jubilee Cup An Tuah

0
448

Sagaing ramțhen Kalay peng sungih Zonuam khua cun mino dinnak kum (50) kim lomnak ah khua tampi sawm in bawhlung sitnak a tuah rero tiah theih a si.

Zonuam Mino Golden Jubilee Cup cu January 14 ihsin thok a sim. Jubilee Cup onnak cu sawm hleice khual Pu Thang Thlur in onnak a nei ih puai thok ni lektu Letpanchaung Vs Tingo zuam-awknak ih gold thuntu pawl gold khat thunlut ah paisa 5000 ciar laksawng peknak khal a nei.

Zonuam Mino Golden Jubilee sunlawihtu khua tinkim in lektu Team 31 an suak khawm ih February 18 ah Jubilee Cup Final sunglawi zetin an tuah leh ding thu tla theih a si.

Jubilee Cup laksawng tuahsak ding mi pawl cu pakhatnak sumpai ting 3 le belpi hna nei, pahnihnak sumpai ting 2 le belpi hna nei, pathumnak sumpai ting 1 le belpi hna nei an si. Cuihleiah thiam hleice laksawng a um dingih pek ding mi pawl cu Gold Keeper, Defence, Midfield, Forward le Gold thu tam bik pawl an si tiah Jubilee sungțuan Salai Lal Ruat Tlan in The Chin Times ah simnak a nei.

 

LEAVE A REPLY

Please enter your comment!
Please enter your name here